Poulsen Bros

Byrja nýggja árið við einum rimmar jazz-kvøldi á suverent altjóða støði, tá Poulsen Bros trínur á pall í Blábar. Talan er um eitt trímannaorkestur, við beiggjunum Paula og Bárði Reinert Poulsen á ávikavist gittara og kontrabassi, og Rógva á Rógvu á trummum.

Borðreitt verður við vælsvingandi post-boppi og sveimandi, fríðari improvisatión. Avtalur eru gjørdar til at bróta, og eingin veit at siga, hvørjar snúningar tónleikurin fer at taka hetta kvøldið.

Konsertin byrjar kl 21:30. Entrée 100,-